Јужноморавскиот регион во Чешка, особено регионите Брецлав и Ходонин, во четвртокот вечерта беа погодени од многу силно невреме со град, кое оштети куќи, автомобили и зеленила. Се појави и торнадо над седум села проследено со бура и град со големина на тениски топчиња. Торнадата се исклучително ретка појава овие географски широчини. Метеоролозите проценуваат дека синоќа торнадото достигнало од трет до четврти степен, што значи брзина од над 300 километри на час. Невремето однесе најмалку три човечки животи. Околу 150 до 200 луѓе се повредени. Некои села остануваат отсечени луѓето од оштетените куќи се евакуирани. Затворен е скоро целиот автопат Д2 во правец на Брно. Околу 32.000 домаќинства останаа без електрична енергија. Спасувачките служби од другите региони и држави исто така помагаат во регионот. Армијата ќе испрати две инженерски единици на југот на Моравија, активирајќи механизирана бригада.
Најмалку тројца загинати и околу 200 повредени во силното невреме на југот на Чешка
Торнадо ги срамни куќите со земја на повеќе места во југоистокот на Чешка на 24 јуни 2021 година