Авганистанската влада може да „падне“ за шест месеци по завршувањето на повлекувањето на американските трупи од земјата, заклучиле минатата недела американските разузнавачки агенции, пишува „Волстрит журнал“.
Според весникот неодамнешните достигнувања на талибанците низ Авганистан ја поттикнале американската разузнавачка заедница да ги ревидира своите изгледи за тоа колку долго може да издржи владата во Кабул, поддржана од Западот, откако американските трупи ќе го завршат во целост повлекувањето.
Повикувајќи се на официјални лица, весникот пишува дека талибанците ја презеле контролата над десетици области од владините сили во последните неколку недели. Меѓународните воени сили предводени од САД полека се повлекуваат од Авганистан, а крајниот рок за тоа е 11 септември. Американската армија соопшти дека веќе има повлечено повеќе од половина од своите 3.500 војници од регионот.
- САД најавија 266 милиони долари хуманитарна помош за Авганистан
- Напад во Авганистан, убиени десет деминери
Претходно неделава бунтовниците го зазедоа главниот граничен премин на Авганистан со Таџикистан и извршија офанзива врз северните градови Кундуз и Мазар-е Шариф.
Според весникот „Волстрит Журнал“ Белата куќа ја охрабруваат војската да го забави темпото на повлекување на војската.