Белоруската опозициска лидерка Свјатлана Циханускаја пред американските законодавци на 9 јуни изјави дека авторитарниот владетел Алекснадар Лукашенко ја претвора Белорусија во „Северна Кореја на Европа“ и ги повика Соединетите држави да ги прошират санкциите против луѓето и фирмите кои го финансираат неговиот режим. Циханускаја сведочеше од Прага пред Комитетот за надворешни односи на американскиот Сенат, наведувајќи дека одлуката на Лукашенко да го пренасочи летот на Рајанер на 23 мај со цел да го уапси дисидентскиот новинар Раман Пратасевич ја премина границата и стана закана за меѓународниот мир и безбедност. Но, таа рече дека меѓународната реакција не смее да биде ограничена на инцидентот со летот на Рајанер.
Литванија одби да ја екстрадира во Белорусија опозициската лидерка
„Ситуацијата во Белорусија заслужува „сеопфатен и непоколеблив“ одговор од Соединетите држави и нивните партнери. „Во спротивно, сите ќе се соочиме со такви ситуации во иднина, бидејќи Лукашенко ја претвора мојата земја во Северна Кореја на Европа - нетранспарентна, непредвидлива и опасна“. Соединетите држави, нивните партнери во Европа и другите истомисленици имаат моќ да „застанат на оваа траекторија“, рече таа, повикувајќи ги Соединетите држави да ги прошират санкциите против „блиските“ на Лукашенко кои го финансираат режимот.
Белоруската опозиција бара меѓународна поддршка за Денот на солидарноста
Таа исто така ги повика западните земји да разговараат за кризата во Белорусија за време претстојниот самит на Групата седум во Британија и да ги покани белоруските про-демократски лидери да учествуваат, и таа побара Европската унија да започне висок профил конференција за кризата во Белорусија. Претходно Циханускаја се обрати до чешкиот Сенат, повикувајќи на создавање меѓународен трибунал за истрага и гонење на злосторствата извршени од режимот на Лукашенко. „Не можеме да дозволиме диктаторите да пишуваат историја“, им рече Циханускаја на чешките пратеници.