Европската унија ја повика Русија веднаш да го ослободи активистот Андреј Пивоваров, откако беше извлечен од авион во Санкт Петербург и приведен во рамките на пошироката акција против критичарите на Кремљ. „Овој случај не е изолиран инцидент, но потврдува постојан образец на намалување на просторот за граѓанското општество, опозицијата и критичките гласови, како и независните медиуми во Руската Федерација“, се вели во изјавата на Европската комисија.
Бајден ќе изврши притисок врз Путин да ги почитува човековите права
Пивоваров, како што се додава, бил приведен за наводни прекршувања на законот за „непожелни организации“ и ги повика руските власти да го укинат законодавството. Полицијата го уапси Пивоваров, директор на Отворена Русија, сега веќе непостоечка опозициска група поврзана со поранешниот нафтен тајкун и критичар на Кремљ, Михаил Ходорковски, пред летот за Варшава од аеродромот Пулково во Санкт Петербург.