Босна и Херцеговина е втора во светот според бројот на смртни случаи од коронавирус на милион жители, покажуваат податоците на „Ворлдометар“. Само Унгарија е пред БиХ.
Од прогласувањето на пандемијата, во БиХ се регистрирани 9 илјади и 150 смртни случаи од Ковид-19. Од февруари минатата година до денеска, во БиХ се регистрирани вкупно 203.391 заразени со коронавирусот.
Според статистиката на страницата „Нашиот свет во податоци“ (Our World in Data), која ги следи податоците од Универзитетот Џонс Хопкинс, БиХ има 5,53 смртни случаи на милион жители, а за време на бранот на заразата во март годинава имало дури 23,64.
Властите во БиХ сè уште не успеаја да обезбедат доволен број дози вакцини за масовна имунизација на населението, но во последните петнаесет дена бројот на новозаразени значително се намали, додека бројот на смртни случаи е сè уште голем.