САД повикаа на ослободување на сите политички затвореници во Белорусија, каде се одржуваат скоро секојдневни протести, откако минатата година на спорните претседателски избори Александар Лукашенко го освои шестиот мандат во услови на тврдења дека гласањето е наместено.
„Ние стоиме со Белорусите во нивната борба за слобода“, рече портпаролот на Стејт департментот Нед Прајс во објавата на Твитер, пред планираните демонстрации на „Денот на слободата“ во Белорусија.
Светлана Цихануаскаја, за која приврзаниците велат дека навистина победила на изборите на 9 август, ги повика Белорусите да излезат на „Денот на слободата“ за да одржат улични митинзи против авторитарниот лидер во Минск и другите белоруски градови и да го покажат своето единство против политичката криза во Белорусија.
Прајс истакна дека повеќе од 290 Белоруси се политички затвореници, истовремено истакнувајќи ги маките на Ихар Лосик и Марија Калесникава.
На Калесникава се соочува со обвиненија за нарушување на национална безбедност, за кои нејзините приврзаници велат дека се апсурдни, и беше продолжен претходниот притвор на 22 март. Таа беше уапсена во септември и е клучен соработник на Цихануаскаја и висок член на координативниот совет на опозицијата.
Лосик, популарен блогер и консултант за РСЕ, се наоѓа во притвор од јуни. Првично беше обвинет за наводно користење на неговиот популарен канал Телеграм за „подготовка за нарушување на јавниот ред“ пред претседателските избори на 9 август.