Бугарија денеска ќе ја продолжи вакцинацијата со „АстраЗенека“, а за оваа цел ќе го пушти во употреба сето количество од оваа вакцина – 100.000 дози, соопшти директорот на Извршната агенција за лекови во Бугарија, Богдан Кирилов.
Нема проблем сите земји-членки на ЕУ да продолжат да ја употребуваат вакцината на „АстраЗенека“ и Универзитетот Оксфорд, бидејќи таа е безбедна и ефикасна, изјави тој вчера на вонредниот брифинг, во врска со одлуката на Европската агенција за лекови (ЕМА) за безбедноста на вакцината на „АстраЗенека“ против Ковид-19. Изјавата следеше откако ЕМА во својата вчерашна одлука вакцината „АстраЗенека“ ја прогласи за безбедна.
Билансот корист-ризик останува позитивен и нема пречки сите земји на ЕУ да продолжат да вакцинираат со лекот, додаде Кирилов.