Македонија годинава ќе претседава со Централноевропскиот договор за слободна трговија (ЦЕФТА) и по тој повод амбасадорот на Европската Унија Дејвид Гир и министерот за економија Крешник Бектеши, ги презентираа приоритетите за 2021 година за ЦЕФТА под претседателство на земјава.
Преземањето на водството во спроведување на приоритетните активности се планира да се изврши преку спроведување на Акцискиот план на Заедничкиот регионален пазар (ЗРП) 2021-2024, усвоен за време на Самитот во Софија во ноември 2020 година и поддржан од Европската комисија.
Клучните цели на претседателството на Северна Македонија се поддршка на економското закрепнување по кризата со КОВИД-19, привлекување на инвестиции и зголемена трговија во регионот и подобар просперитет на граѓаните во Западен Балкан. Ова ќе се постигне преку олеснување на трговијата со стоки и услуги и создавање на регион без мерки и пречки што ја попречуваат трговијата.
