Годинашниот „Глобал Гејм Џем“ ќе се одржи онлајн

Веќе деветта година по ред, ќе се одржи четиридневниот маратон во правење игри, но овој пат ќе биде онлајн.

„Глобал Гејм Џем“, кој е четиридневен маратон во правење игри, ќе се реализира од 27-ми до 31-ви јануари. Маратонот се одржува деветта година по ред и ќе биде онлајн.

„Сите сте поканети! Гејм дизајнери, 2Д артисти, програмери и девелопери, саунд дизајнери, 3Д моделери, раскажувачи и писатели, мрчатори, ловци на багови, но и сите кои сакаат да да имаат било каква врска со игри! Сега немате оправдување за ескивација! Сите на едно место, без ограничување со локации, превоз и други логистички гличови!“, објавија организаторите Македонска асоцијација за развивање игри – МАГДА.

Видете и ова: Осми „Глобал Гејм Џем“

Тимовите кои ќе победат ќе добијат парични награди, и тоа прво место 300 евра, второ место 200 евра и трето место 100 евра. Дополнително со гејминг ваучер од 50 евра ќе бидат наградени и најдобриот аудио дизајн, 2Д артист, 3Д арт/модел и за технички подготвена игра.

„Глобал гејм џем“ е најголемиот глобален настан за развивање на игри. Се одржува еднаш годишно истовремено на голем број локации во вид на 48-часовен маратон на кој се креираат игри за секаков вид платформи. Како дел од

Видете и ова: Маратонско создавање видео игри во Македонија

International Game Developers Association (IGDA) неговата цел е да ги обедини сите кои креираат или имаат желба да креираат игри и да поттикне креативност, соработка и експериментирање.

Настанот е наменет за ентузијасти, студенти, средношколци и професионалци од различни сфери кои имаат интерес во областа на игри и креирање на игри. Девелопери, гејм дизајнери, 2Д артисти, 3Д моделери, саунд дизајнери, продуценти, експерти за монетизација и социјални медиуми. Ова е совршено место каде може да остварите нови контакти со сите профили од индустријата, да размените знаење и/или заедно да креирате игри.