Неколку ракети ја погодија силно чуваната Зелена зона во Багдад, предизвикувајќи мала штета каде што е сместена американската амбасада. Во ирачката изјава се вели дека „забранета група“ лансирала осум ракети насочени кон Зелената зона, каде што се сместени амбасадите и владините згради. Повеќето ракети паднаа во близина на празен станбен комплекс и контролен пункт, при што беше повредено едно лице. Амбасадата на САД соопшти дека нејзините одбранбени системи ги пресретнале ракетите и ја повикаа ирачката влада да преземе мерки за да се спречат ваквите напади од страна на милитантните групи.
Tрамп планира намалување на бројот на американски војници во Авганистан и Ирак
„Овие видови напади врз дипломатски објекти се кршење на меѓународното право“, се вели во соопштението на Амбасадата. Неколку милитантни групи бараат точен редослед за повлекувањето на американските сили од Ирак. Соединетите држави потврдија на почетокот на декември дека делумно повлекуваат дел од вработените во својата амбасада како одговор на зголемените тензии со Иран и ирачките милициски групи.