„Спејс икс“, компанијата на милијардерот Елон Маск, во неделата лансираше четворица астронаути на лет до Меѓународната вселенска станица (ISS). Ново дизајнираната капсула „SpaceX Crew Dragon“, која екипажот ја нарече „Отпорност“, беше лансирана од ракетата „SpaceX Falcon 9“ од вселенскиот центар на НАСА „Кенеди“ во Кејп Канаверал, Флорида.
Летот до Меѓународната вселенска станица ќе трае 27 часа. Четиричлениот екипаж го сочинуваат Американците Мајкл Хопкинс, Виктор Гловер и Шенон Вокер и Јапонецот Соичи Ногучи.
Пристигнувањето на ISS е закажано за вторник во зори по Гринич.
Ова е прва шестмесечна „оперативна“ мисија која го потврди продолжувањето на летовите со екипаж од САД во мај, по деветгодишна пауза и зависност од Русија.
Спејс икс испрати 4 астронаути на лет до Меѓународната вселенска станица
Илустрација - Меѓународната вселенска станица