Министерот за правда, Бојан маричиќ, соопти дека од денеска стапува во сила Законот за изменување и дополнување на Законот за судски такси, со што се намалуваат судските такси.
„Судските такси се значително намалени. Ако во минатото тие можеа да изнесуваат и до 48.000 денари, сега нема да платите повеќе од 6.000. Трошоците за судските такси во првостепена постапка ќе се движат од 480 до најмногу 6.000 денари, во зависност од вредноста на спорот“, информираше Маричиќ на денешната прес-конференција.
Свесни бевме, рече тој, дека судските такси беа високи, а луѓето на кои им беше потребна правда, многу пати се откажуваа да ја бараат во судниците.