Австриските власти соопштија дека привеле 14 лица во врска со, како што канцеларот Себастијан Курц го опиша, „одвратниот терористички напад“ во Виена, во кој загинаа четири лица. Полицијата вчера ги повика луѓето да останат, бидејќи продолжува потрагата по осомничени откако вооружени лица отворија оган на шест локации во центарот на градот вечерта на 2 ноември. Двајца мажи и две жени починале од раните, додека други 22 лица биле ранети.
Заев и Курц во комуникација за терористичкиот напад во Виена
Полицијата застрела осомничен, идентификуван како дваесетгодишен државјанин и на Австрија и на Северна Македонија, кој претходно бил осуден за тероризам. За други двајца осомничени, исто така, се наведува дека имаат македонски корени. Групата ИД ја презеде одговорноста за нападот преку својата новинска агенција Амак, без да обезбеди докази. Полицијата спроведе серија рации во Виена и Долна Австрија, изјави министерот за внатрешни работи Карл Нехамер, додавајќи дека не нашле докази дека биле вмешани и друг напаѓач.