Скопскиот Апелациски суд ја уважи жалбата на обвинетиот Бојан Јовановски, познат како Боки 13 за предметот „Рекет“, му ја укина мерката притвор и му определи мерка куќен притвор.
„Апелациониот суд Скопје до Основниот кривичен суд Скопје достави решение КОКЖ – 68/20 со кое жалбата на обвинетиот Б.Ј., осуден со првостепена пресуда по предметот КОК бр. 116/19 во јавноста познат како „Рекет“, изјавена преку неговиот бранител, се уважува. Решението на првостепениот суд се преиначува на начин што се укинува мерката притвор према обвинетиот Б.Ј. и се определува мерка куќен притвор“ соопшти денеска Кривичниот суд.
Јовановски извесен период има здравствени проблеми и често од притворското одделение во скопскиот затвор Шутка беше беше хоспитализиран во скопските болници, поради што беа одложени и неколку судски рочишта за случаите во кои тој е обвинет.