На следната дебата меѓу американскиот претседател Доналд Трамп и демократскиот ривал Џо Бајден ќе има таканаречени неми микрофони за да им се овозможи на кандидатите непречено да зборуваат за секоја тема за која ќе се разговара, објави претседателската комисија за дебати. Комисијата ја направи промената за да се избегнат прекините што доминираа на првата дебата и претворија делови од неа во некохерентна мешавина на вербални напади и навреди.
Огромните разлики меѓу Трамп и Бајден
Следната дебата на 22 октомври ќе биде последната шанса гласачите да ги видат кандидатите на иста сцена пред изборите на 3 ноември.
Исклучените микрофони ќе му овозможат на секој кандидат да даде непрекинато две минути воведни зборови на почетокот на секој 15-минутен сегмент од дебатата. И двата микрофона потоа ќе бидат вклучени за да се овозможи отворена дискусија. Штабот на Трамп соопшти дека се противи на промената, но Трамп сепак ќе учествува. Изборниот штаб на Бајден не даде коментар за исклучувањето на микрофоните.