Во изминатите 24 часа во Грција е регистриран рекордно висок број нови случаи на Ковид-19, вкупно 460 новозаразени лица, од кои 114 се од фабриката за конзервирање во северниот дел од земјата, 26 по направените тестови на влезните точки во земјата, a повторно најголемиот дел од нови случаи, односно 207 се во областа Атика, јави дописничката на МИА од Атина.
Регистрирани се и пет смртни случаи.
Епидемиолог Гикас Мајоркинис на денешната редовна прес-конференција за ситуацијата со новиот коронавирус во Грција, рече дека логично е да се очекува зголемување на ширењето на вирусот кон крајот на октомври, со оглед на тоа дека луѓето ќе почнат повеќе време да поминуваат во затворени простори.
Од почетокот на епидемијата, во Грција се регистрирани 19.346 случаи на ковид-19, а починаа 398 лица.