Ноемврискиот самит на Г20 ќе се одржи онлајн поради пандемијата на коронавирусот, соопшти денеска Саудиска Арабија, која годинава е претседател на Групата. Првично беше планирано самитот на светските лидери да се одржи во Ријад, но сепак, тој ќе се одржи преку видео врска.
Самитот ќе се одржи на 21 и 22 ноември и ќе го води саудискиот крал Салман, а централната тема ќе биде на заштитата на животот и обновата на економиите по пандемијата.
Земјите од групата Г20, во која членуваат лидерите на најбогатите и најмоќните земји во светот, вложија повеќе од 21 милијарда долари во развој на вакцини против коронавирусот и 11 милијарди долари во заштита на глобалната економија.