Претседателот на Косово Хашим Тачи ќе му додели на американскиот претседател Доналд Трамп Орден на слободата, највисоката награда на Косово, за неговата улога во постигнувањето договор меѓу Србија и Косово за нормализирање на економските односи. Во писмото до кое имал пристап Ројтерс, косовскиот претседател Хашим Тачи го информирал Трамп за орденот.
Србија и Косово се договорија за економска нормализација на односите
Во писмото, Тачи изразува „длабока благодарност до Трамп за неговиот личен придонес во постигнувањето договор“ и го покани да го посети Косово. Советникот за национална безбедност на САД Роберт О’Брајан и специјалниот пратеник на Трамп за преговори меѓу Србија и Косово, Ричард Гренел, ќе добијат претседателски медали за заслуги. Гренел ја сподели веста на Твитер и му честиташе на Трамп за одликувањето.
Вучиќ: Усогласени неколку прашања, најтешкото допрва доаѓа
Српскиот претседател Александар Вучиќ и косовскиот премиер Авдулах Хоти ветија дека ќе ги нормализираат економските односи на 4 септември во Белата куќа. Во присуство на Трамп, секој потпиша своја копија на документот наречен „Економска нормализација“. Верзиите на документот се разликуваат само во последната од 16-те точки.