Национален Совет за родова рамноправност бара од мандатарот за Влада, Зоран Заев, да има повеќе жени во структурите на одлучување и во извршната власт.
„Во духот на еднакво општество за сите, Националниот совет за родова рамноправност како мрежа на повеќе од сто женски локални организации во државата од вас бараме при составување на членови/ки на Владата биде исполнета и една од нашите основцни цели: повеќе жени во структурите на одлучување и извршната власт. Вие досега докажавте, поставувајќи 50 проценти жени на кандидатските листи на коалицијата 'Можеме' на изборите 2020, дека за вас тоа е водечки принцип и истото го очекуваме и при составувањето на оваа влада“, велат од Сојузот во нивното обраќање.
Тие како пример ја посочуваат Франција, каде од 31 министерства, 17 ги водат жени.
„Успешните држави во кои владее рамноправноста гарантираат благосостојба на сите граѓани/ки, каква што во иднина сакаме да биде Република Северна Македонија“, стои во соопштението на Савка Тодоровска, претседателка на Сојузот.