Државната изборна комисија на денешната јавна седница ги објави конечните резултати од предвремените парламентарни избори кои се одржаа на 15 јули. Според конечните резултати, Коалиција „Можеме“ освои 46 мандати, ВМРО-ДПМНЕ освои 44 мандати, ДУИ 15, Алијанса за Албанците и Алтернатива 12, Левица 2 и ДПА 1 мандат.
Според конечните резултати кои денеска ги објави претседателот на ДИК, Оливер Деркоски, Коалиција „Можеме“ предводена од СДСМ освои 327.408 гласа, односно 35,89%, Коалицијата на ВМРО-ДПМНЕ – 315.344 гласови или 34,57%, ДУИ освои 104.699 гласови или 11,48%, коалиција Алијанса/Алтернатива освои 80.000 гласови или 8%, Левица – 37.426 гласови или 4,1% и ДПА – 13.930 гласови или 1.53%.
Другите партии кои учествуваа на изборите не освоија пратеници.