Предвремените парламентарни избори ќе ги следат новинарски екипи од петнаесетина странски медиумски куќи кои добиле акредитации од Државната изборна комисија, соопшти ДИК.
Најбројна екипа од 18 новинари испраќа Ал Џезира Балкан, а свои тимови или новинари ќе имаат: Ројтерс, Франс Прес, Гласот на Америка, Асошиејтед прес, грчката националната телевизија ЕРТ, новинската агенција АНА-МПА, Њуз247, германската АРД, Европската фото прес агенција – ЕПА, Турската радио-телевизија, агенцијата Анадолија, Еуро њуз Албанија, Радио телевизија Косово, Би-би-си Србија и Ал Џезира на англиски јазик.
- Телефонски линии и видео повици до ДИК за изборни прашања
- Гласаат позитивните на ковид-19 и луѓе во изолација
Повеќе странски медиуми ќе известуваат за изборите преку свои дописници во земјава. За овие избори акредитирани се 2.508 домашни набљудувачи, и 96 странски, како и 56 преведувачи.