Протести во Белград - демонстранти во српското собрание

Дел демонстранти, кои во центарот на Белград протестираа по најавите на претседателот на Србија Александар Вучиќ дека овој викенд во главниот град повторно ќе биде воведен полициски час поради влошената епидемиолошка ситуација, влегоа во зградата на Собранието на Србија кратко време по 22 часот. Полицијата успеа да ги исфрли, а неколку минути пред 23 часот, полицијата фрли солзавец кон демонстрантите, откако повторно се обидоа да влезат во зградата на српското Собрание. Околу три часот по полноќ демонстрантите беа растурени од полицијата.