Градоначалникот на Њујорк, Ендру Куомо побара да се забрани употребата на прекумерна сила од страна на полицијата и изрази загриженост дека насилните протести предизвикани од смртта на невооружениот афроамериканец во Минеаполис може да го попречат повторното отворање на градот на 8 јуни. Тој порача и дека е загрижен што демонстрациите во текот на изминатите неколку ноќи како одговор на смртта на Џорџ Флојд може да предизвикаат зголемување на бројката на заразени со коронавирус, што ќе влијае на напорите за спречување на ширењето на болеста.
Куомо ги повика граѓаните да го искористат овој момент на немири за да ги натераат политичарите да направат измени за подобрување на општеството. Тој побара и спроведување на независни истраги за злоупотреба на полицијата.
„Не е доволно да се излезе и да се каже„ Јас сум лут, фрустриран сум “, рече Куомо.
Ескалираат протестите низ САД поради смртта на Џорџ Флојд
Куомо истакна и дека некои од постапките на полициските службеници во Њујорк за време на протестите биле вознемирувачки, повикувајќи се на видео кое е широко распространето на интернет, во кое се гледа како полицискиот автомобил се движи кон толпа луѓе. Тој најави дека ќе разговара и за можно воведување на полициски час.