Поради слабата побарувачка, германскиот производител на автомобили „Фолксваген“ ќе јапрекине работата на некои производствени линии кои штотуку започнаа повторно со работа, им соопшти компанијата на своите вработени.
Во фабриката во седиштето на групата во Фолксбург, две производствени линии ќе бидат целосно затворени, а работата на една од нив ќе биде скратена за четири дена во мај, се наведува во пораката објавена на веб-страницата на компанијата.
Прекинот се однесува на возилата Голф и Тигуан - главните брендови на Фолксваген.
Фолксваген го започна производството на крајот на април по неколкунеделната пауза поради пандемијата со корона вирусот. Сега компанијата повторно прави пауза со цел да го усогласи производството со очекуваните промени на пазарот, изјави Арне Мајсвинкел од оваа компанија.
Привремените затворања покажуваат тешкотии со кои Европа се соочува при рестартирање на својата економија по ограничувањата поврзани со пандемијата, кои веќе доведоа до историски падови во продажбата на европски автомобили во март и април.
„Клиентите не се заинтересирани да купуваат автомобили и магацините во кои се чуваат произведените автомобили се скоро полни“, предупреди официјалниот претставник на компанијата Бернд Остерло на крајот на април. Тој додаде дека нарачките што пристигнуваат се очајни.