Црква, чаршија, политика...
МАКЕДОНИЈА - Митрополитот повардарски г. Агатангел од Македонската православна црква (МПЦ-ОА) преку Фејсбук ги повика верниците Христовото воскреснување во сабота на полноќ да го одбележат со излегување и пеење песна на своите балкони. Владиката пред 20-ина дена ги повикуваше верниците да одат во црквите и да се причестуваат. Владата одлучи за Велигден да има целосна забрана за движење поради коронавирус пандемијата.
МАКЕДОНИЈА - Во реставрацијата и санацијата на автентичниот лик на Старата чаршија се запазени сите процедури за заштита на автентичноста според програмата на Националниот Совет за ревитализација на чаршијата како културно наследство од особено значење, соопштија денеска од Владата, по реакциите на социјалните мрежи и во дел од медиумите за градежните зафати што се одвиваат во Старата чаршија во Скопје.
МАКЕДОНИЈА - Министерството за здравство информираше дека на Клиниката за инфективни болести и фебрилни состојби во Скопје починаа 4 пациенти на возраст над 60 години, од кои двајца пациенти од Лабуништа, еден пациент од Прилеп и еден од Куманово, а во болницата 8 Септември починаа 2 лица, пациент од Велес (67) и пациент од Куманово (59). Новозаразени во последните 24 часа имало 54, а излекувани 42 пациенти.
МАКЕДОНИЈА - Синоќешниот настан во Ченто има политичка позадина и МВР е решено да постапува неселективно во однос на сите што поттикнуваат или не го почитуваат полицискиот час, изјави денеска на прес-конференција, министерот за внатрешни работи Наќе Чулев.
БЕЛГИЈА - НАТО утре ќе одржи вонреден онлајн состанок на кој единствената точка на дневниот ред ќе биде пандемијата со Ковид-19, соопшти Генералниот секретар, Јенс Столтенберг, кој лично ќе ја води конференцијата.
РУСИЈА - Русија е подготвена да преговара со Соединетите Држави за хиперсоничните проектили и друга контрола на вооружувањето, како дел од пошироките разговори за стратешката стабилност, изјави денеска рускиот министер за надворешни работи Сергеј Лавров.
КИНА - Русија стана најголем извор на увоз на нови случаи на коронавирус во Кина, пренесува Ројтерс, повикувајќи се на објава во кинескиот државен весник Глобал тајмс, во кој се наведува дека кинеските надлежни служби оцениле дека новозаразените со коронавирус се од Русија.
СРБИЈА - Претседателот на Комитетот за надворешни работи на Претставничкиот дом на САД, Елиот Енгел и сенаторот Боб Менедез изразија загриженост за улогата на САД во преговарачкиот процеси меѓу Косово и Србија. Во писмото испратено до американскиот државен секретар Мајк Помпео, меѓу другото, тие наведуваат дека преку продлабочување на соработката со Русија, Србија ги исполнила условите за добивање санкции на САД.
РУСИЈА - Рускиот претседател Владимир Путин изјави дека Русија се соочува со зголемен број на критично болни со ковид-19 и дека мора земјата да се подготви за најлошото сценарио.