Американскиот претседател Доналд Трамп изјави дека економијата на земјата, која практично престана по донесените мерки за борба против коронавирусот, би можела да започне одново во наредните недели, а не месеци. Трамп на синоќешниот брифинг во Белата куќа рече дека научените лекции од борбата против вирусот во последните неколку недели ќе и овозможат на земјата да се отвори додека продолжува превенцијата.
Трамп: одлука за коронавирусот на крајот од тековниот 15-дневен план
Трамп претходно изјави дека е можно САД да не се вратат во нормала до јули или август. Скоро третина од Американците се под некаква изолација. Државите Вашингтон, Мичиген и Њу Мексико се последни што наредија луѓето да останат дома, а гувернерот на Калифорнија ги заостри ограничувањата.