Министерот за надворешни работи, Никола Димитров, на своите профили на социјалните мрежи напиша дека „и покрај кризата околу коронавирусот и суспендирањето на сите други активности, Сенатот на Шпанија пред малку одлучи на 17 март да одржи пленарна седница со единствена точка на дневен ред: Ратификација на Пристапниот протокол за членство на Северна Македонија во НАТО.
Шпанија е последна од земјите членки на НАТО што треба да го ратификува протоколот, за да може Македонија да стане 30 земја членка на Алијансата. Процесот таму се оддолжи поради изборите и формирањето на Владата. Шпанскиот Сенат на 10 март, откако тоа го стори и Конгресот ги суспендираше сите предвидени активности во наредните седум дена, поради коронавирусот, кој беше откриен кај генералниот секретар на ултра-десничарската партија Вокс, кој инаку е член на Конгресот.
Инаку, протоколот кај нас беше ратификуван со одложено дејство, заради распуштањето на Собранието и предвремените парламентарни избори.