Американскиот национален институт за здравство препорачува натпреварите во кошарка да се играат без публика како превенција од коронавирусот, јавува новинската агенција Ројтерс. Шефот на одделението за справување со заразни болести во Националниот институт за здравство Ентони Фаучи денеска на собраниското сослушување изјави дека препорачува НБА да организира натпревари без публика поради брзото ширење на вирусот Ковид 19. Тој додаде дека препораката за избегнување на масовни собири не важи само за спортот туку општо, затоа што така се намалува ризикот од заболување.
