Републичкиот Судски совет на денешната седница го разреши од судиската функција поранешниот претседател на скопскиот Кривичен суд, Владимир Панчевски. Тој е обвинет за злоупотреба на службена положба за распределувањето на предметите преку АКМИС системот, а судењето неколку пати се одложува.
Панчевски на Фејсбук реагираше дека во во постапката се прекршени сите закони и правила и како што наведува, тоа е направено без никакви права, доставена покана и без негово произнесување.