Опструкции и процедурални надмудрувања

Веднаш по завршувањето на повеќе од едночасовното обраќање на министерот Никола Димитров пред Собраниската комисија за надвореши прашања, пратеникот Артан Груби од ДУИ влезе во салата и побара пауза за да може да се изготви стенограм за да може да продолжи да ја следи седницата. Претседателот на Комисијата, Антонио Милошоски го одби ова негово барање, по што настанаа тензии меѓу него и Груби, а пратениците од опозицијата сметаат дека се работи за стратегија за одолговлекување на владејачкото мнозинство за да се заштити министерот Димитров од „непријатните“ прашања на опозицијата.