НАТО соопшти дека ја „почитува“ одлуката на Србија во врска со заедничкaта воздушна воена вежби со Русија на нејзина територија на која беа распоредени руските ракетни системи „С-400“ и Панцир-С.
Русија соопшти дека ракетните системи С-400 и Панцир-С учествувале во вежбата „Славјански штит-2019“ за тестирање на заедничкото дејствување на руските и српските вооружени сили за избегнување воздушни напади. Министерството за одбрана на Русија соопшти дека ракетните системи биле стационирани во базата Батајница. Ова е првпат С-400 и Панцир-С да се појават во воени вежби надвор од Русија, соопшти Министерството.
Во изјава за Радио Слободна Европа, канцеларијата за врски на НАТО соопшти дека Алијансата и Србија „се партнери и оти НАТО го почитува правото на Србија да донесува суверени одлуки за вежби на нејзината територија.“ „Ова е прашање за Србија и Русија“, се вели во соопштението на НАТО, во кое се додава дека „Србија е партнер на НАТО“ и дека балканската земја има „добар и продуктивен однос“ со западниот сојуз.