Шефицата на СЈО, Катица Јанева во вторник е повикана да даде исказ пред обвинителката за организиран криминал и корупција Вилма Рускоска за случајот „Рекет“, објави Сакамдакажам. Досега се сослушани обвинителките од СЈО, Лиле Стефанова и Елизабета Јосифовска, како и шефицата на Кабинетот на Јанева.
Утре се очекува исказ да даде и обвинителот од СЈО Бурим Рустеми. Во „Рекет“ осомничени се Бојан Јовановски и Зоран Милевски кои побарале милион евра од бизнисменот Орце Камчев за да се стопира против него истрага за случајот „Империја“ на СЈО.