Комшиќ: српските власти премолчно го поддржуваат геноцидот во Сребреница

„Односот на српските власти спрема Сребреница е повеќе од поразувачки, бидејќи ни по 24 години од геноцидот не гледаме јасна нивна подготвеност да се оградат од него“, изјави Жељко Комшиќ, член на Претседателството на Босна и Херцеговина за денешното издание на весникот „Данас“. Тој оценува дека причината е во тоа што претседателот Александар Вучиќ и шефот на дипломатијата Ивица Дачиќ не се откажале од „погромскиот проект на Српската академија на науките и уметностите“.