Германската канцеларка Ангела Меркел изјави дека ќе се заложи за одредување датум за почеток на преговори на Северна Македонија за членство со ЕУ, јави МИА. Меркел истакна и дека лидерите на ЕУ за време на дводневниот самит во Брисел разговарале за Северна Македонија.
„Ќе направам сѐ што можам за да се донесе таа позитивна одлука затоа што Северна Македонија направи примерна работа со Преспанскиот договор, одлична работа, и разговаравме за ова вчера. Станува збор за неколку недели, навистина, но нашата заложба стои и што се однесува до мене ќе ја заложам сета своја политичка тежина за ова“, изјави Меркел од Брисел.