Државната изборна комисија денеска го отфрли приговорот на ВМРО-ДПМНЕ за гласањето на избирачко место во Ново Село за избор на градоначалник. ДИК утврди дека бројот на гласачки ливчиња во кутијата се совпаѓа со бројот на избирачи кои гласале.
Доколку гласањето на ова место беше поништено ќе мораше да се прегласува бидејќи разликата во вкупно освоени гласови на двајцата кандидати за градоначалник на Ново Село е 19 гласови. Одлуките на ДИК, учесниците во изборниот процес имаат право да ги обжалат пред Управниот суд во рок од 24 часа. Судот пак е должен по нив да се произнесе во рок од 48 часа.