Владиниот портпарол Миле Бошњаковски изјави денеска дека нема да се отстапува од донесените мерки по прогласената епидимија од морбили и оти во прво одделение нема да можат да се запишат деца кои не се вакцинирани.
Тој информира дека теренската вакцинација на Министерството за здравство се спроведува според планираната динамика и оти во тие активности има координација со Министерството за образование.
Истовремено потенцираше дека основното образование е задолжително и оти децата треба и ќе одат на училиште.