Како што се одвиваше борбата против антисемитизмот после катастрофалниот холокауст, човештвото треба со истата одлучност да се бори против омразата кон исламот која е во пораст, изјави денеска турскиот претседател Реџеп Таип Ердоган на отворањето на водечката панисламска организација во Истанбул.
Состанокот е на Организацијата за исламска соработка е организиран по нападот на две џамии во Нов Зеланд, во кој десничарски екстремист уби најмалку 50 муслимански верници.
Ердоган остро го осуди нападот, оценувајќи дека исламофобијата е во пораст во западните земји и ги обвини медиумите дека поттикнуваат омраза кон исламот.