Таблите на граничниот премин Богородица кон Грција веќе се сменети и на нив го пишува новото име Република Северна Македонија. На останатите гранични премини се планира таблите да бидат променети во текот на денот, најави директорот на Царинската управа Ѓоко Танасоски.
Тој појасни дека поради тоа што времето е кратко за спроведување тендерски постапки, а согласно заклучоците на Владата предвидено е таблите да бидат променети каде што е можно со налепници, а каде е можно со монтирање други табли, за да се исполни обврската во рок од три дена да бидат променети таблите на граничните премини со новото име Република Северна Македонија.