Директорот на американската разузнавачка служба, Ден Коутс изјави денеска дека Русија и Кина претставуваат најголеми закани за шпионажа и сајбер криминал. Според него, двете земји заедно со Иран и Северна Кореја засилено користат сајбер операции со цел да крадат информации, да влијаат врз граѓаните во САД и да ја нарушат критичката инфраструктура.
Во сведочењето пред американските сенатори, тој истакна и дека противниците на САД веќе се обидуваат да се вмешаат во изборите во 2020 година, преку редифинирање на нивните способности и со нови тактики. Според него, Русија на социјалните мрежи и натаму ќе се фокусира на ескалација на социјалните и расните тензии во САД со поткопување на довербата во властите и со критика на политичарите кои се смета дека имаат антируски ставови.