Апелациониот суд Скопје информира дека донел одлука со која се укинува мерката притвор против обвинетите Ненад Јосифовиќ, Кирил Божиновски, Зорица Арсовска и Миле Јанакиески. На четворицата им е определен куќен притвор.
Поранешниот министер за транспорт и врски Миле Јанакиески и поранешниот генерален секретар на Владата Кирил Божиновски, на 14 ноември беа приведени и пренесени во затворот „Шутка“. Одлуката за приведување ја донел Кривичниот суд на барање на Специјалното јавно обвинителство. Јанакиески и Божиновски се обвинети во неколку предмети на СЈО за кои се водат судски постапки.