Пратеничката група на ВМРО-ДПМНЕ и коалицијата „За подобра Македонија“ бара од претседателот на Собранието Талат Џафери, без дополнително одлагање да ја стави на изјаснување точката за пристапување кон уставни измени, изјави на денешна прес-конференција во Собранието пратеникот на ВМРО-ДПМНЕ Антонио Милошоски.
„Ние како пратеници ќе го кажеме нашиот став и ќе гласаме согласно волјата на народот изразена преку пропаднатиот референдум и недавањето на мандат за уставни измени“, рече Милошоски.