Денеска во Скопје средба Заев, Хан

Претседателот на Владата на Македонија Зоран Заев денеска претпладне ќе разговара со еврокомесарот за соседска политика и проширување Јоханес Хан. Тој вчера во Штип изјави дека е убеден оти референдумот ќе успее, но доколку не се случи тоа, политичарите треба да донесат одлуки. „Да го преминеме мостот па да видиме што ќе се случи. Јас сум убеден во позитивен исход од референдумот. Мораме да го почитуваме сувереното право на граѓаните да гласаат и таа одлука ќе мора сите да ја испочитуваат. Потоа, се разбира политичарите ќе треба да се справуваат со последиците и соодветно на тоа да донесат одлуки“, изјави еврокомесарот од Штип.