Американскиот секретар за одбрана Матис во Македонија

Секретарот за одбрана на САД Џејмс Матис за време на денешната официјална посета на Република Македонија ќе се сретне со премиерот Зоран Заев и со министерката за одбрана Радмила Шекеринска. Претходно, за американската делегација предводена од Матис, ќе биде организиран свечен пречек на Меѓународниот аеродром „Скопје“ и на платото пред Владата. Матис во минатата недела изјави дека ќе дојде во Македонија за да даде јасна поддршка за референдумот, но и да изрази загриженост поради можно мешање на Москва во процесот. Прв пат во изминатите 14 години, во Македонија доаѓа американски секретар за одбрана.