Генералниот секретар на НАТО Јенс Столтенберг е на средба со претседателот Ѓорге Иванов, од каде ја почнува денешната серија разговори со македонскиот државен врв. Столтенберг потоа треба да има средби со премиерот Зоран Заев, со претседателот на Собранието Талат Џафери и со министерката за одбрана Радмила Шекеринска и други официјални претставници.
По средбата на Заев и Столтенберг најавена е прес-конференција, а генералниот секретар на НАТО покрај останатите активности ќе го посети и Стајковци каде во 2016 година војници и опрема на НАТО беа ангажирани за надминување на последиците од поплавата. Столтенберг ќе ја посети и касарната Илинден каде ќе присуствува на показна вежба на припадниците на специјалните сили.