Поранешниот албански претседател и премиер и екс лидер на Демократската партија, Сали Бериша, е против идејата за менување на границите и размена на територии меѓу Косово и Србија.
Тој вели дека не треба Прешевската Долина да се користи за „трговија меѓу двете земји“, а уште помалку да се чепкаат границите на Косово, меѓународно признати од 115 држави.
Реакцијата на Бериша следува по најавата на косовскиот претседарел Хашим Тачи дека ќе има корекција на границите и припојување на Прешевската Долина со Косово. Бериша, кој се изјанува дека е против ваквата идеаја, прашува што Србија добива за возврат.
На ова му возврати косовскиот претседател Хашим Тачи, кој му порача на Бериша дека на Косово не му се потребни совети од некој кој му помагал на Слободан Милошевиќ, со продавање нафта во периодот кога тогашна Југославија беше под меѓународни сакнции. Тачи оди уште понатаму и вели дека совети не му се потребни од некој кој го засолнил Осама Бин Ладен и Аркан, го уапсил Адем Јашари и други команданти на ОВК.