Американскиот секретар за одбрана Џејмс Матис изјави дека активностите на Русија во Југоисточна Европа имаат дестабилизирачки карактер и оти со нивните активности ја поткопуваат демократската структура на земјите преку ширење лажни информации, економски мерки и мешање, соопшти Пентагон.
Матис во Загреб се сретна со министрите за одбрана на земјите од Јадранската повелба, иницијатива формирана во 2003 година од страна на Албанија, Македонија и Хрватска за да се олесни влезот на овие земји во НАТО. Во 2008 година им се приклучија и Црна Гора и Босна и Херцеговина.