Црна Гора се соочува со загрижувачка ситуација на пораст на бројот на илегални мигранти, кои од Грција преку Албанија пристигнуваат на нејзина територија, изјави црогорскиот премиер Душко Марковиќ, во интервју за австриската телевизија ОРФ.
Според Марковиќ, во моментов се појавува тенденции на создавање нова мигрантска рута од Грција, преку Албанија, Црна Гора и Босна и Херцеговина, кон Европа.
Тој нагласува дека Црна Гора има план за преземање бројни мерки со цел намалување на бројот на илегални мигранти, кои од нејзина територија влегуваат во ЕУ, додавајќи дека се потребни заеднички напори во регионот за одговор на овој предизвик.