Европската комисија побара од Фејсбук во рок од две недели да одговори на прашањата што се отворија со скандалот со фирмата Кембриџ Аналитика, вклучувајќи го и прашањето дали личните податоци на Европјаните биле користени.
Претходно американскиот регулатор соопшти дека поведува истрага за практиката за користење на приватните податоци на оваа компанија.
Европската комисија исто така побара од американските социјални мрежи да ги извести за предвидените мерки за да се избегне можноста од повторување на ваков случај, се наведува во дописот кој вчера го пратила европската комесарка за правосудство Вера Јурова, а го пренесува агенцијата Ројтерс.