Претседателот на Косово Хашим Тачи изјави дека очекува Косово годинава да постигне историска спогодба со Србија која не би морала да значи признавање на независноста, но која на Приштина ќе и овозможи место во Обединетите нации. Тачи во интервју за новинската агенција Ројтерс наведува дека спогодбата ќе донесе целосна нормализација на односите меѓу Белград и Приштина. Тој додаде дека основањето на Специјалниот суд за злосторства на Ослободителната војска на Косово е „историска неправда“, но оти Косово го основал тој суд за да го задржи стратегиското партнерство со САД, ЕУ и НАТО.
