Нимиц од денеска во посета на Грција и Македонија

Посредникот на ОН во преговорите за спорот за името денеска и утре ќе престојува во посета на Атина, а следните два дена, на 31 јануари и 1 февруари во Скопје. Во пресрет на овие посети Нимиц во интервју за грчкиот весник „Катимерини“, оцени дека средбата на премиерите на Македонија и на Грција Зоран Заев и Алексис Ципрас била позитивна и од историско значење. „Постои динамика за да дојдеме до решение на проблемот“, рече тој, забележувајќи дека во соработка со меѓународната заедница, а особено со Вашингтон, Брисел и Берлин, може да се постигне заемно прифатлив договор. „Двете земји имаат историска можност конечно да го надминат проблемот и таа треба да се искористи“, вели Нимиц.